Dünyaca məşhur it Hatikonun 100 yaşı tamam olub. Yaponiyada Sibuya stansiyasında və Odate şəhərindəki Akita prefekturasında sakinlər əfsanəvi itin ildönümünü qeyd ediblər.
İtin doğulduğu Odate şəhərində noyabrın 10-dan 11-dək təntənəli tədbirlər keçirilib. Hatikonun heykəlinin yanında itin xatirəsinə və Sibuya bölgəsinə həsr olunmuş pavilyon açılıb.
Hatikonun hekayəsi bütün dünyada məşhurdur. Onun sahibi Hidesaburo Ueno bir gün işdən qayıtmayıb – qəfil ölüb. İt bunu bilməyib və dəmiryol vağzalında sahibini gözləməyə davam edib.
1932-ci ildə onun haqqında qəzetdə məqalə dərc olunub. Bir neçə il sonra onun şərəfinə “Sadiq it Hatiko” adlı abidə ucaldılıb. Heyvan açılış mərasimində iştirak edib. 1935-ci ildə Hatiko Şibuya stansiyası yaxınlığında ölüb.
