QafqazTimes xəbər verir ki, ABŞ-ın keçmiş prezidenti Donald Tramp tərəfdarlarının toplantısında bildirib ki, yenidən ABŞ prezidenti seçildikdən dərhal sonra Rusiya prezidenti Vladimir Putin və ukraynalı həmkarı Vladimir Zelenskiyə zəng edərək Ukrayna ətrafındakı münaqişənin həlli üçün görüş təşkil edəcək.
Rusiyanın Tass xəbər agentliyinin verdiyi məlumata görə, o, bazar ertəsi (20 fevral) Floridada pərəstişkarları qarşısında deyib: “Mən sizə zəmanət verirəm ki, bunun öhdəsindən gələ bilərəm. Biz 24 saat ərzində razılığa gələcəyik.”
2020-ci il seçkilərində demokrat rəqibi Co Baydenə uduzan mübahisəli keçmiş ABŞ prezidenti 2022-ci il noyabrın 15-də 2024-cü il prezident seçkilərində iştirak edəcəyini bildirmişdi.
Tramp həmçinin sosial şəbəkəsindəki mesajında Co Baydenin Ukrayna ilə bağlı siyasətinin III Dünya Müharibəsinə səbəb ola biləcəyi barədə xəbərdarlıq edib. O, bununla bağlı yazıb: “Əgər Baydenin Ukrayna ilə bağlı gördüyü işləri izləsəniz başa düşərsiniz ki, o, sistematik, lakin yəqin ki, özü də bilmədən bizi tezliklə III Dünya Müharibəsi ola biləcək şeyə doğru sürükləyir. Bu necə dəlilikdir?”
Bu, Trampın Ukraynadakı müharibə ilə bağlı Bayden administrasiyasını ilk dəfə tənqid etməsi deyil, o, əvvəllər də münaqişəni sona çatdırmaq qabiliyyəti ilə öyünərək demişdi: “Əgər mən prezident olsaydım, Rusiya-Ukrayna Müharibə heç vaxt baş verməzdi. Amma indi də prezident olsam da, danışıqlar apararaq bu dəhşətli və gərgin müharibəni 24 saat ərzində bitirə bilərəm.”
O, həmçinin xəbərdarlıq edib ki, Co Bayden administrasiyasının Ukraynaya tanklar göndərmək qərarı Rusiyanın nüvə hücumuna səbəb ola bilər.
Tramp müsahibəsində onu da bildirib ki, Qərbin Ukraynaya hərbi yardımının dayandırılması sülh danışıqlarının təşviqinə və bu ölkədə bir illik müharibənin bitməsinə səbəb ola bilər və ABŞ bu danışıqlarda lider ola bilər.