QafqazTimes xəbər verir ki, Almaniya kansleri Olaf Şults Berlində keçirilən konfransda Ukrayna və Rusiya arasındakı münaqişələrə toxunaraq bildirib ki, Almaniya Ukraynada vəziyyətin gərginləşməsinə hazır olmalıdır.
Onun sözlərinə görə, Rusiyanın hücumundan sonra elan edilən 100 milyard avro (102,76 milyard dollar) müdafiə fondu alman ordusunun müdafiə ehtiyatlarını yaratmaq üçün öyrənilən dərsin nəticəsi idi.
Bundan əvvəl Almaniya parlamentinin (Bundestaq) Silahlı Qüvvələr Komitəsinin komissarı Eva Hogel xəbərdarlıq etmişdi ki, ölkə ordusu ciddi silah sursat çatışmazlığı ilə üzləşib. O, həmçinin ordunun ehtiyac duyduğu bəzi əsas şəxsi ləvazimatların çatışmazlığını da vurğulamışdı.
Bazar günü “Bild” qəzetinə müsahibə verən alman deputatı Almaniya ordusunun sursat ehtiyatlarının artırılmasının 20 milyard avroya başa gələcəyini açıqlayıb. O, ordunun silah-sursat anbarlarının təkmilləşdirilməsini tələb edərək, bildirib ki, hökumət illərdir bununla bağlı yubanır. O, həmçinin deyib: Silahsız hər şey heçə bərabərdir.
Oktyabrın 8-də “Business Insider” saytının alman bölməsi parlament və müdafiə sənayesi mənbələrinə istinadən xəbər verib ki, alman ordusunun (Bundesver) cəmi bir və ya iki günlük müharibə üçün kifayət qədər sursatı vardır.
Hesabata görə, Berlin NATO-nun ən azı 30 günlük müharibə üçün ehtiyat saxlamaq tələbindən xeyli geri qalır. Bildirilir ki, bu problem illərdir ki, hərbi manevrlərdə tədarük çatışmazlığı yarandığı üçün müəyyən edilib.
Business Insider həmçinin yazır ki, Almaniya bir çox digər Qərb ölkələri ilə birlikdə Ukraynaya silah göndərməyə başladıqdan sonra bu çatışmazlıq daha da kəskinləşib.