QafqazTimes xəbər verir ki, sionist rejim parlamentinin (Knesset) üzvləri bu gün günorta (cümə axşamı) parlamentin buraxılmasının lehinə səs veriblər.
İbrani mediasının məlumatına görə, sionist nümayəndələri ikinci və üçüncü oxunuşda da bu rejim parlamentinin buraxılması ilə razılaşıblar və “Yair Lapid” işğal olunmuş ərazilərdə müvəqqəti olaraq baş nazir seçilib.
“Kan” telekanalının müxbiri xəbər verir ki, Naftali Bennetlə Lapid arasında kürsü mübadiləsi mərasimi bu gün yerli vaxtla saat 12:30 radələrində bu rejimin baş nazirinin kabinetində və jurnalistlərin iştirakı olmadan baş tutacaq.
Rejimin parlamenti həmçinin işğal olunmuş Fələstində ümumi seçkilərin vaxtını noyabrın 1-nə təyin edib.
İsrailin istefa vermiş baş naziri Naftali Bennet çərşənbə günü axşam verdiyi açıqlamada qarşıdan gələn seçkilərdə iştirak etməyəcəyini açıqlayıb.
Bununla da bu gün sionist rejimin 24-cü parlamenti rəsmən buraxıldı və Təl-Əviv son üç il yarımda beşinci dəfə parlament seçkilərinə tərəf getməkdədir.
Knessetin buraxılması və işğal olunmuş ərazilərdə ümumi seçkilərin keçirilməsi ilə bağlı qərar ifrat sağçı Yamina partiyasının (Bennetin partiyası) üzvü Nir Orbaxın verdiyi açıqlamadan sonra qəbul edilib. İsrail mediasının məlumatına görə o, bir bəyanatda deyib: “Mən baş nazirə məlumat vermişəm. Mövcud vəziyyətlə əlaqədar olaraq mən artıq koalisiyanın bir hissəsi deyiləm.”
Onun istefası ilə Bennett koalisiyası Knessetdəki 120 yerdən 59-a sahib oldu ki, bu da əksəriyyətdən iki yer azdır.