Sionist rejim ordusu Həmasla razılığa gəlmək üçün mövqelərindən çəkilir

Sionist rejim mediaları dünən axşam (27 aprel) Misirin irailli girovlar barədə təklifinin detallarını açıqlayarkək sionist rejim hərbçilərinin öz mövqelərindən geri çəkilməsi barədə siqnallar verib.

Əl Aləm telekanalının məlumatına əsasən, İsrail HƏMAS-ın saxladığı girovların azad edilməsindən sonra Fələstin anklavında davamlı sabitliyin bərpasını müzakirə etməyə hazır olduğunu iddia edir.

Məlumatda həmçinin deyilir: İsrail dövlətinin rəhbərliyi keçən il oktyabrın 7-dən bəri ilk dəfə olaraq Qəzzada münaqişənin sona çatması ilə bağlı girov müqaviləsi çərçivəsində müzakirələrə açıq olduğunu bildirib.

Bundan əvvəl Həmas Siyasi Bürosunun üzvü Xəlil əl-Həyya bildirib ki, hərəkat İsraildən sektordakı vəziyyəti həll etmək təklifinə cavab alıb. Onun sözlərinə görə, Həmas İsrailin təşəbbüsünü təhlil edəcək və araşdırması başa çatdıqdan sonra öz cavabını verəcək.

Aprelin 13-də Həmas Misir və Qətər müzakirəçilərinə İsrailin aprelin 8-də Fələstin anklavında vəziyyətin həlli ilə bağlı aldığı təklifə cavabı təqdim edib. Hərəkat daimi atəşkəs, İsrail ordusunun Qəzzadan çıxarılması və köçkünlərin daimi yaşayış yerlərinə qayıtması kimi tələblərini təkrarlayıb.