Bu gün günorta sionist hərbçilərin gülləsinə tuş gələn fələstinli axşam şəhid oldu.
Əl-Aləm telekanalının məlumatına əsasən, Fələstin Səhiyyə Nazirliyi bəyanat yayaraq elan etdi: Ərihanın Əqəbətun-Cəbr düşərgəsinə sionistlərin basqını zamanı ağır yaralanmış 22 yaşlı Mahmud Camal Həsən Həmdan şəhid olub.
Məlumatda deyilir: Qəsbkar İsrail hərbçiləri Əqəbətun-Cəbrə hücum edərək Mahir Şalunun evini mühasirəyə aldıqdan sonra yerli əhaliyə odlu silahlardan atəş açıb.
Fələstin Əsirlər Cəmiyyəti bu silahlı basqında 6 fələstinlinin də əsir götürüldüyünü elan edib.
Qeyd edək ki, İsrail rejim hərbçiləri 3 gündür ki, Əriha və ətraf məntəqələrdə fələstinlilərin evlərinə hücum edir, giriş-çıxış post patrul xidmətlərində əhalini ciddi surətdə yoxlayırlar. Belə ki, yoxlama məntəqələrində saatlarla gecikmələr, uzunmüddətli yoxlamalar həyata keçirirlər.