QafqazTimes xəbər verir ki, ibrani mediası sionist rejimin baş naziri Yair Lapidin Mossadın rəhbəri David Barnia ilə söhbət etdiyini və cümə axşamı günü brifinq iclasında son açıqlamalarına görə onu məzəmmət etdiyini açıqlayıb. Çünki Lapidin sözlərinə görə, o, İranla bağlı Təl-Əvivin göstərişlərini pozub.
“i24” xəbər saytı yazıb: “Barnianın İranın nüvə anlaşması ilə bağlı yeni tələblər və müəyyən edilmiş siyasətlər çərçivəsindən kənara çıxdığı və açıqlamalarında ABŞ-a qarşı kəskin hücum etdiyi açıq-aydın görünürdü. Lapid buna etiraz etdikdən sonra Mossad Barniyaya qarşı ittihamları azaltmağa çalışdı.”
“Ynet” saytı da xəbər yayıb ki, Təl-Əviv kabinetinin baş naziri Barniyadan nüvə razılaşması məsələsində öz fikrini mediaya bildirən bütün İsrail rəsmiləri kimi Tel-Əvivin rəsmi xətti və ümumi siyasətini izləməyi xahiş edib.
İbrani mediası Mossadın rəhbəri Barnianın görüşlərdə verdiyi açıqlamaların Lapidin göstərişinə zidd olduğunu açıqlayıb. Bu xəbərlərdən sonra Lapidin ofisi Amerikanın İrana münasibətini daha da sərtləşdirməyə müvəffəq olduqlarını iddia edərək, indi razılaşmanın imzalanacağına dair heç bir əminlik yoxdur, deyib.
Son bir neçə gündə sionist medianın Baraniyanın bəyanatlarından sonra Lapidin narazılığı və onun Bayden hökumətinin İranla nüvə məsələsindəki fəaliyyətini sərt tənqid etməsi ilə bağlı xəbərlər yaymasına baxmayaraq, Barnia iddia edib ki, ABŞ və İranın ehtiyacları nəzərə alınmaqla razılaşma qaçılmaz görünür.
Keçən həftənin cümə axşamı günü “The Times of Israel” qəzeti yazıb ki, bu rejimin kəşfiyyat təşkilatının rəhbəri İranın nüvə fəaliyyətlərinin sülhməramlı olması ilə bağlı davamlı bəyanatlarına toxunaraq deyib: “Bu razılaşma İsrail üçün çox pisdir və Birləşmiş Ştatlar son nəticədə “yalan”a əsaslanan razılaşma əldə etməyə tələsir.”