Qafqaztimes xəbər verir ki, Sputnik -in məlumatına görə, Rusiya prezidenti Vladimir Putin Kollektiv Təhlükəsizlik Müqaviləsi Təşkilatına (KTMT) üzv ölkələrin fövqəladə toplantısında Əfqanıstandakı vəziyyətdən narahat olduğunu bildirib.
O, bildirib: “Kollektiv Təhlükəsizlik Təşkilatının rəhbərləri İŞİD-in mövcudluğunu çox təhlükəli hesab edirlər, çünki bu (terrorçu) təşkilat Əfqanıstanda güclü fəaliyyətə malikdir. Rusiya Əfqanıstandakı hadisələrə müdaxilə etmək niyyətində deyil, çünki bu vətəndaş müharibəsinə səbəb ola bilər.”
O, həmçinin deyib: “Moskva Əfqanıstanda narkotik problemini yaxından izləyir.”
Putin bu yaxınlarda keçirdiyi mətbuat konfransında Talibanın düşmənçiliyi kənara qoymaq və insan haqlarına hörmətlə bağlı verdiyi vədlərinə ümid etdiyini bildirmişdi.
Daha əvvəl Kollektiv Təhlükəsizlik Müqaviləsi Təşkilatının internet saytı KTMT üzvlərinin bazar ertəsi Əfqanıstandakı vəziyyətlə əlaqədar növbədənkənar toplantı keçirəcəklərini açıqlamışdı.