“Pfizer” şirkətinin rəhbəri koronovirusa yoluxub

QafqazTimes xəbər verir ki, Pfizer şirkətinin rəhbəri Albert Borella bazar ertəsi günü koronavirus testinin müsbət çıxdığını açıqlayıb.

O, Twitter-də yazıb: “Sizə bildirmək istəyirəm ki, mənim koronovirus testim müsbət olub. Pfizer peyvəndinin dörd dozasını aldığım üçün özümü yaxşı hiss edirəm və yüngül simptomlar var.”

Pfizer şirkətinin rəhbəri əlavə edib ki, hazırda karantindədir və tezliklə sağalacağına əmindir.

Ümumdünya Səhiyyə Təşkilatının (ÜST) açıqladığı son həftəlik qlobal pandemiya hesabatına görə, ötən həftə koronavirus qurbanlarının sayı 9 faiz azalıb, yeni yoluxma halları isə nisbətən sabit qalıb.

Təşkilatın məlumatına görə, son bir həftədə Covid-19-dan 14,000-dən çox ölüm və 7 milyona yaxın isə yeni yoluxma qeydə alınıb. Qərbi Sakit Okean 30% artım, Afrika isə 46% azalma olduğunu açıqlayıb. Amerika və Yaxın Şərqdə isə yoluxma halları 20%-dən çox azalıb.

Yaxın Şərqdə yeni ölümlərin sayı 19% artdığı halda, Afrikada 70%-dən çox, Avropada 15%, Amerika qitəsində isə 10% azalıb.