Keçmiş Baş Qərargah rəisinin saxlanılması Gürcüstan hökumətinin tələbi əsasında baş tutub.
Gürcüstanın sabiq Baş Qərargah rəisi Georgi Kalandadze Almaniyanın paytaxtı Berlində saxlanılıb.
Məlumata əsasən, G.Kalandadze 2012-ci ildə Gürcüstan vətəndaşı Elberd Koberidzenin işgəncə və qanunsuz həbsi ilə bağlı cinayət işi çərçivəsində saxlanılıb.
Xatırladaq ki, Georgi Kalandadze 2012-ci il oktyabrın 8-dən noyabrın 11-dək Mixail Saakaşvilinin prezidentliyi dövründə Baş Qərargah rəisi vəzifəsində çalışıb. 2014-cü ildə hakimiyyət dayişəndən sonra o bir qrup hərbçi ilə Ukraynaya yollanıb.
Qeyd edək ki, Gürcüstan tərəfi bu barədə hələlik rəsmi açıqlama verməyib.