Azərbaycanda bu siyahıya düşən şəxslərə hər ay 3 min manat, 5 otaqlı ev, lüks avtomobil veriləcək.
Azərbaycan müdafiə sənayesi naziri Mədət Quliyev eyni zamanda Velosiped Federasiyasının yeni prezidenti olaraq idmançılar üçün təzə mükafatlar müəyyənləşdirib.
M.Quliyevin göstərişi ilə mükafatlar barədə velosipedçilərin məşq etdiyi zalların girişinə məlumat lövhəsi yerləşdirilib.
Lövhədə Olimpiya, dünya və Avropa çempionu olan idmançıya “Mercedes-Benz S-Class” və ya “BMW” 7-ci seriya avtomobil, Bakı şəhərində 5 otaqlı mənzil, 100 min manat mükafat, ayda 3 min manat olmaqla illik 36 min manatlıq maddi yardım veriləcəyi qeyd olunub.
Adıçəkilən turnirlərdə gümüş medal qazanan idmançı isə “Mersedes E-Class” və ya “BMW “5-ci seriya avtomobil, Bakı şəhərində 4 otaqlı mənzil, 70 min manat mükafat və ayda 2 min olmaqla 24 min manatlıq maddi yardım alacaq.
3-cü yerin sahibi isə “Mersedes C-Class” və ya “BMW” 3-cü seriya avtomobilə, Bakıda 3 otaqlı mənzilə, 50 min manatlıq mükafata və ayda min manat olmaqla illik 12 min manat maddi yardıma sahib çıxacaq.
Qeyd edək ki, rəsmi olaraq Prezident sərəncamı ilə Olimpiya çempionlarına pul mükafatı təqdim edilir.(Qafqazinfo)
