QafqazTimes xəbər verir ki, Livanın “Əl-Əxbar” qəzetinin cümə axşamı verdiyi məlumata görə, Livanın təhlükəsizlik qüvvələri təxminən üç ay əvvəl şərqi Sidonda sionist rejimlə əməkdaşlıqda şübhəli bilinən bir şəxsi həbs ediblər.
Məlumata görə, saxlanılan şəxs çox təhlükəli və casusluqda böyük təcrübəyə malikdir. Bu şəxsin Livan kəşfiyyatının son vaxtlar aşkar etdiyi casus şəbəkələri ilə heç bir əlaqəsi yoxdur və bu, onlardan daha təhlükəlidir. Onun işi məlumat və kəşfiyyat materialları toplamaq, foto çəkmək kimi işlərdən daha ciddi olub. Belə ki, o, İsrail zabitlərinin Livana daxil olmasını asanlaşdıran terror şəbəkələrində və təhlükəli əməliyyatlarında fəal iştirak edib.
Məlumatlı mənbələr mövcud məlumatların sadəcə şübhə xarakterli olmadığını və təhlükəsizlik xidmətinin müfəttişlərinin bu şəxsin sionist rejimin casusluq orqanlarının xeyrinə təhlükəsizlik fəaliyyətlərində iştirakına dair əsaslı dəlillərə malik olduğunu vurğulayıblar.
Mənbələr əlavə edib ki, məhbus hələ də sionist rejim üçün casusluq etdiyini etiraf etməkdən imtina edir, lakin onun 2006-cı ildə baş verən İslami Cihadın iki lideri Mahmud və Nəzzal əl-Məczubun terroru ilə nəticələnən Sidon partlayışında iştirakına dair sübutlar var. Bu o deməkdir ki, o, 25 ilə yaxındır ki, sionist rejimlə əməkdaşlıq edir.