Fələstin tərəfdarları Qəzza zolağında törətdiyi soyqırım cinayətinə görə sionist rejimin Paris 2024 Olimpiya Oyunlarında iştirakının qarşısını almaq üçün qlobal kampaniyaya başlayıblar.
Qafqaztimes xəbər verir ki, Beynəlxalq Olimpiya Komitəsinə təzyiq göstərmək məqsədilə sosial şəbəkə istifadəçiləri “İsrailsiz Olimpiya” həştəqindən istifadə ediblər.
Sosial şəbəkə fəalları Olimpiadada bəşəri dəyərlərin qorunmasının İsrailin Qəzzadakı cinayətləri və Fələstinlilərin soyqırımı ilə ziddiyyət təşkil etdiyini vurğuladılar.
Sosial şəbəkə istifadəçiləri “insan hüquqlarının ən qəddar şəkildə pozulduğu bir şəraitdə insan dəyərlərini qorumaqdan necə danışmaq olar” sualını veriblər. Onlar qeyd ediblər ki, “Olimpiadanın İsrailsiz keçirilməsi ədalətə və insanlığa inananların hamısının arzusudur”.