İsrail Müharibə Nazirliyi Qəzza zolağında Həmas əleyhinə hava hücumlarında 37 min hədəfi seçmək üçün süni intellekt texnologiyasından istifadə edib.

Sputnikin “The Guardian”a istinadən gah mənbələrə görə verdiyi məlumata əsasən, “Lavender” sistemi Həmasla əlaqəli anklav sakinlərinin, “Gospel” sistemi isə fələstinlilərin istifadə edə biləcəyi bina və tikililərin qeydlərini aparır. Həmasın silahlı qanadının üzvlərini müəyyən etməkdə “Lavender” alqoritmlərinin sınaqları 90% dəqiqlik nümayiş etdirib.

Məlumata görə ən yüksək rəqəm sistem tərəfindən göstərilən potensial hədəflər olan 37 min adam olub.

Məlumata görə, sistemin necə işlədiyi barədə danışan bəzi kəşfiyyatçılar, hava hücumları üçün onlara daha çox hədəf təmin etmək üçün ordunun təzyiqlərini qeyd ediblər. Bir Həmas üzvünün İsrail hərbçiləri tərəfindən məhv edildiyi zaman nə qədər mülki şəxsin öldürülə biləcəyini müəyyən edən göstərici də qeyd edilib.

Ordunun Qəzza zolağında apardığı hərbi əməliyyatların əvvəlində 1 yaraqlı məhv edilərkən 15-20 mülki şəxsin həlak olması məqbul sayılsa da, sonra bu sayın azaldılmasına dair qərar verilib.

İsrail ordusu isə hava hücumu hədəflərinin süni intellektdən istifadə etməklə seçildiyi iddialarını təkzib edib. Bildirilib ki, İsrail ordusu əməliyyatları beynəlxalq hüquq əsasında həyata keçirir. Belə ki, ordu hədəfləri seçərkən və ya yaraqlını məhv edərkən əlavə yoxlamalar aparır.