Sionist rejim generalı İsrail radiosu ilə müsahibədə Həmasa sadəcə 10% zərbə vura bildiklərini etiraf edərək zabitlərin qələbə mövzusunda yalan danışdıqlarını deyib.
Qafqaztimesin xarici medialara istinadən verdiyi məlumata əsasən, İshaq Brik bu gün (24 yanvar) Gali radiosuna verdiyi müsahibədə deyib: İsrail Həması məğlub edə bilmədi. Bizim ordumuz çox kiçikdir və Həmas kimi bir hərəkatı məhv etmək potensialı yoxdur. Həması məhv etmək barədə söylənilənlər isə cəfəngiyyatdır.
Brik Həmasın vəziyyəti barədə qeyd edib: Həmasın 500 km tuneli var. biz isə sadəcə onun 10%-ni məhv edə bilmişik. Hal-hazırda Həmasın 25 min döyüşçüsü var. Biz quruda qalmaqla onları məhv edə, yüzlərlə km tuneli məhv etmədən onlara qalib gələ bilmərik.
Briksdən ordunun dediklərinin doğru olub-olmadığını soruşduqda deyib: Bu sırf yalandır. Hərbçilər qorxudan düz danışa bilmir. Qəzzənin fəthi və müharibədə qələbə bayramları da cəfəngiyyatdır. Bu gün biz Qəzzədə çox çətin günlər yaşayırıq. Tramp isə bizi Qəzzədə daha artıq tələfat verməkdən xilas etdi.