İşğaldan azad olunmuş ərazilərdə mina partlayıb

QafqazTimes xəbər verir ki, şənbə günü gecə Azərbaycan Respublikasının kütləvi informasiya vasitələri Ermənistan işğalından azad olunmuş ərazilərdə bir minanın partlaması və nəticədə bir neçə nəfərin yaralanması barədə məlumat yayıblar.

“Trend News” agentliyinin məlumatına görə, Fizuli yolunun Ağdama gedən təmizlənməmiş hissəsində bir piyada əleyhinə mina partlamış, hadisə nəticəsində iki nəfər yaralanmışdır.

Bu hadisədən sonra Azərbaycanın xarici işlər naziri Ceyhun Bayramov tvitter səhifəsində yazıb: “Mina partlaması nəticəsində daha 2 azərbaycanlı mülki şəxs ağır yaralanıb. Müharibənin bitməsindən bəri 259 nəfər həlak olub. Ermənistanın Azərbaycan ərazilərində məqsədyönlü və davamlı olaraq mina basdırmasına münasibət bildirilməli və pislənilməlidir”

Qeyd edək ki, bu minalar Ermənistan ordusunun Azərbaycan Respublikası ərazilərinin işğalı və Dağlıq Qarabağda apardığı döyüşlərin nəticəsidir. Bu yaxınlarda Azərbaycan Respublikası Ermənistandan Ağdam və Fizuli rayonlarının minalanmış sahələrinin xəritəsini əldə edib ki, bu da məlumatlara görə 189 min tank və piyada əleyhinə minanın koordinatlarını dəqiqləşdirir.

Azərbaycan Respublikası bu xəritəni almaq müqabilində 2020-ci ilin noyabrında əldə olunan atəşkəsdən sonra Azərbaycan Respublikası ərazisində saxlanılan onlarla erməni əsirini azad edib.

Azərbaycan Respublikası bu yaxınlarda Türkiyə istehsalı olan bir neçə qabaqcıl minaaxtaran avadanlıqlar alıb. Türkiyə Müdafiə Nazirliyi 13 minatəmizləmə texnikasının Bakıya gətirildiyini açıqlayıb. Nazirlik tvitter səhifəsində yazıb: “Azərbaycan Respublikasına təhvil verilən minaaxtaranların sayı 20-yə çatıb.”