İranın neft naziri Cavad Oucinin Bakıya səfəri başlayıb.
Nazir iyunun 2-3-də Bakıda keçiriləcək Bakı Enerji Forumunda iştirak edəcək.
İranın neft naziri üç günlük səfər çərçivəsində ikitərəfli əlaqələrin inkişafına dair danışıqlar aparacaq, regional və beynəlxalq əməkdaşlıq perspektivlərini müzakirə edəcək.
Azərbaycan və İran arasında Xəzər dənizində neft və qaz yataqlarının işlənməsinə dair yeni anlaşmaların imzalanacağı gözlənilir.