İngiltərə mediaları rəsmi Londonun Səudiyyə Ərəbistanı vəliəhdini İngiltərəyə dəvət etməsindən xəbər verirlər.
Əl Aləm telekanalının məlumatına əsasən, Londonun bu dəvətindən sonra Bin Salman qəbul etdib-etməməsi barədə heç bir reaksiya verməyib. Amma bununla belə, səfərin noyabr ayında olduğu proqnozlaşdırılır.
Finansial Times qəzeti yazır: Britaniya dövləti Səudiyyə Ərəbistanı ilə əlaqələrini dərinləşdirmək və Fars Körfəzi ölkəsi olan Ərəbistandan kapital qoyluşu umduğu üçün münasibətlərində əminlik yaratmaq niyyətindədir.
Məlumatda həmçinin deyilir: İngiltərə rəsmiləri Ərəbistanın cavabını gözləyir və son qərar Bin Salmandan asılıdır.
Qeyd edək ki, Bin Salman son dəfə 2018-ci ilin martında İngiltərə baş naziri və kraliçası Elizabetin dəvəti ilə Londona səfər edib.