QafqazTimes xəbər verir ki, İran İslam İnqilabının Rəhbəri İmam Xamenei ölkənin bir çox bölgələrində baş verən dağıdıcı sel nəticəsində həlak olanlara verdiyi başsağlığı mesajında hadisə qurbanlarına göstərilən təcili yardımlara görə rəsmilərə təşəkkür edib və bu tədbirlərin və səylərin davam etdirilməsini istəyib.
Başsağlığı mesajının mətni belədir:
Bağışlayan və Mehriban Allahın adı ilə
Ölkənin bir çox bölgələrində baş verən dəhşətli və dağıdıcı sel hadisəsi bir çox əzizlərimizin maddi və mənəvi xəsarətlər almasına səbəb oldu. Dərin hüznlə bütün o əzizlərin dərdinə şərik olaraq, bu hadisədə müsibət görənlərə başsağlığı verirəm və ölkənin hörmətli hakimiyyət orqanlarından dəymiş ziyanın aradan qaldırılması üçün lazımi tədbirlərin görülməsini tələb edirəm. Mən qısa bir zamanda su basmış ərazilərə yollanan məmurlara, həmçinin ictimai yardım qruplarının və ya daşqın qurbanlarına kömək etmək üçün məsul şəxslərin səylərinə görə təşəkkür etməyi lazım bilirəm. Bu saleh əməlləri davam etdirmək və bu ağrılı hadisələrin ziyanını davamlı olaraq azaltmağa çalışmaq hamımızın borcudur. Uca Allahdan hər kəsə uğurlar diləyirəm.
Seyid Əli Xamenei
31 avqust 2022-ci il