Hindistanda begemot zooparkın iki işçisinə hücum edib.
Bu barədə Hindistanın yerli mətbuatı məlumat yayıb.
Hadisə Uttar Pradeş ştatının Laknau Zooloji bağında baş verib. Zooparkın işçiləri begemotun volyerini təmizləmək üçün içəri daxil olublar. Naməlum səbəbdən heyvan işçilərə hücum edib. Nəticədə begemot kişilərdən birini öldürüb. İkinci yaralanıb, amma qaça bilib.
Qalan zoopark işçiləri dərhal heyvanı ayrı bir qəfəsə salıblar.
İlkin məlumata görə, begemot faciədən bir neçə gün əvvəl başqa zooparkdan şəhərə gətirilib.
Mərhumun 10 ildən artıq zooparkda işlədiyi bildirilib.
