Harvard Universiteti rektorunun Qəzzə müharibəsi barədə ifadələrinə görə məcburi istefaya göndərilməsindən sonra sionist rejim himayədarı olan bir müəllim rektor təyin edildi.
Əl Aləm telekanalının məlumatına əsasən, yanvarın 3-də dünyanın ən reytinqli ali təhsil və elm mərkəzlərindən olan Harvard Universitetinin rektoru Klodin Qey istefa vermişdi.
Harvardın ilk qaradərili rektoru olan Klodin Qey bir müddət əvvəl yəhudilərə qarşı keçirilmiş etiraz aksiyası səbəbindən vəzifəsindən ayrılıb. Aksiyadan sonra ABŞ Konqresində aksiyaları keçirən tələbələrin təhsil aldığı universitetlərlə bağlı tənqidlər səsləndirilmişdi. Təzyiqlərlə üzləşən rektor istefa vermək məcburiyyətində qalmışdı. O, açıqlamasında Harvard Universitetinə daha çox ziyan dəyməməsi üçün bu addımı atdığını bildirmişdi.