QafqazTimes xəbər verir ki, Ali-Səud həbsxanalarında tibbi səhlənkarlıq və Səudiyyə rəsmilərinin məhbuslarla pis rəftarından sonra Birləşmiş Millətlər Təşkilatı siyasi məhbuslarından birinin ölümü ilə bağlı xəbərdarlıq edib.
“Saudi Leaks”in məlumatına görə, BMT müxbirləri Ali Səud həbsxanalarında olan bəzi insan haqları xadimlərinin taleyi ilə bağlı narahatlıqlarını ifadə ediblər.
BMT-nin insan haqları müdafiəçiləri üzrə xüsusi məruzəçisi Meri Lovlor Ali Səud həbsxanalarındakı ifadə azadlığı məhbuslarının taleyindən narahat olduğunu, bəzilərinin tibbi səhlənkarlıq ucbatından ağır fiziki vəziyyətdə olduğunu vurğulayıb.
O, elan edib: “12 il həbs cəzasına məhkum edilmiş səudiyyəli şiə din xadimi Məhəmməd Həsən əl-Həbibin fiziki vəziyyətinin pisləşməsi ilə bağlı xəbərdən çox narahatdır.”
Səudiyyə Ərəbistanının “Əl-Dəmmam” həbsxanasındakı bu şiə ruhanisinin fiziki vəziyyəti tibbi xidmətin göstərilməməsi və həkim səhlənkarlığı ucbatından çox ağırdır. Səudiyyə rəsmiləri məhbuslara işgəncə vermək və tədricən onları öldürmək üçün bu tədbirdən istifadə edir.
“Əl-Qist” İnsan Haqları Təşkilatı Məhəmməd Həsən Əl-Həbibin 2016-cı ildə həbs olunduqdan sonra işgəncələr nəticəsində bel və baş ağrılarından əziyyət çəkdiyini açıqlayıb. Hazırda o, Ərəbistanda şiələrin hüquqlarını müdafiə etdiyinə görə 12 il həbs və 5 müddətinə səfər qadağasına məhkum edilib.
Bu insan haqları təşkilatı Səudiyyə Ərəbistanı hakimiyyətini Məhəmməd Əl-Həbibə qarşı öhdəliklərini yerinə yetirməyə və onu dərhal azad etməyə çağırıb.