Ben-Qvir indi fələstinlilərin evlərini sökür

Sionist rejim milli təhlükəsizlik naziri Ramazan ayında fələstinlilərin evlərini sökmək haqqında fərmanı imzalayıb.

Əl-Aləm telekanalının məlumatına əsasən, İtamar Ben Qvir “qanunsuz tikili” bəhanəsi ilə Ramazan ayı başlayandan sona qədər fələstinlilərin evlərinin sökülməsi fərmanı verib. O deyib ki, onlar oruc tutur deyə, biz işimizi gecikdirə bilmərik.

Sionist medialar yazır ki, təhlükəsizlik rəsmilərinin Ramazan ayında bu fərmanın icrasının verilməməsi xəbərdarlığına rəğmən, radikal nazir fərmanın icrasını tələb edib. Halbuki ötən illərdə vəziyyətin gərginləşməməsi üçün ən azından Ramazan ayında fələstinlilərin evlərinə toxunmamaq əmri verilərdi.

Xatırladaq ki, bir neçə həftədir xüsusilə işğalolunmuş Qüdsdə “qanunsuz tikili”lərin dağıdılması layihəsi fələstinlilərin hiddətinə səbəb olub. Əslində sionist rejimin islam və xristianların yaşadığı ərazilərdə sionist qəsəbələr salmaq məqsədi ilə qərəzli addımlar atır.