“Paytaxtın Nəsimi rayonunda özünü körpüdən atmaq istəyən şəxs xilas edilib”.
Bunu Daxili İşlər Nazirliyinin mətbuat xidmətinin əməkdaşı Nurlan Əliyev bildirib.
Onun sözlərinə görə, özünü körpüdən atmaq istəyən şəxs 1969-cu il təvəllüdlüdür:
“Həmin şəxs sərxoş olub. Kafelərdən birində onun üzərində olan 19 manatın oğurlandığını iddia edib. Polis əməkdaşları tərəfindən intihara cəhdin qarşısı alınıb və şəxs körpüdən düşürülərək, izahatının alınması üçün polis bölməsinə aparılıb”.
11:16
Paytaxtın Nəsimi rayonunda kişi özünü körpüdən atmaq istəyir.
Bu barədə görüntülər sosial şəbəkələrdə yayılıb.
Belə ki, rayonun “3-cü mikrorayon” dairəsində yerləşən körpünün üstündən bir nəfər özünü atmaq istəyir.
Ərazidə olan polis isə onu əməlindən çəkindirməyə çalışır.
