Nəsimi rayonu, Abbasqulu ağa Bakıxanov küçəsi ilə Azadlıq prospektinin kəsişməsi, “Dədə Qorqud” parkı istiqamətində yol-nəqliyyat hadisəsi baş verib.
Bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzi (NİİM) məlumat yayıb.
Qeyd olunub ki, qəza səbəbindən həm Abbasqulu ağa Bakıxanov küçəsində, həm də Azadlıq prospektində sıxlıq müşahidə edilir.
Sıxlığın aradan qaldırılması istiqamətində işlər görülür.
Bu gün səhər saatlarında Bakıda – Azadlıq prospekti və Bakıxanov küçəsinin kəsişməsində ağır yol-nəqliyyat hadisəsi baş verib.
Hadisə zamanı sürücü idarəetməni itirərək “Mitsubishi” markalı pikapı aşırıb.
Xəsarət alanlar barədə məlumat yoxdur.
Hadisə yerinə DYP əməkdaşları cəlb olunublar.