QafqazTimes xəbər verir ki, Amerika Demokratik Partiyasının “proqressiv” adlanan hərəkatının 30 deputatı prezident Co Baydendən Rusiya prezidenti Vladimir Putinlə dərhal danışıqlara başlamağı xahiş edən məktubu imzalayıb.
Politico-nun hesabatına görə, Proqressiv cərəyanının 100 üzvündən 30-u məktubu imzalayıb, lakin bu hərəkət digər demokratlar arasında o dərəcədə mənfi reaksiyalarla qarşılanıb ki, bu nümayəndələr imzalarını geri götürməyi düşünürlər.
“Politico” yazıb ki, bu məktubun dərci üçün seçilən vaxt həm də siyasi baxımdan təhlükəlidir, çünki Ukrayna indiki məqamda danışıqlara hazır deyil.
Baydenə bu məktub Konqresin bir çox Demokratik nümayəndəsinin xəbəri olmadan hazırlanıb. Təbii ki, qeyd olunan məktub avqustun 1-də dərc edilməli idi və uzun ləngimədən sonra niyə bu həftənin bazar ertəsi dərc edildiyi bəlli deyil.
Qeyd edək ki, 2022-ci il fevralın 24-də Rusiya Luqansk və Donetsk respublikalarının Ukraynadan müstəqilliyini tanıdıqdan sonra bu bölgəyə qoşun yeritdi və “Ukraynada xüsusi hərbi əməliyyatların” başladığını elan etdi.
Rusiya bu əməliyyatların Ukraynanı nasistlərdən təmizləmə, bu ölkəni tərksilah etmək, təhlükəsizlik problemlərini həll etmək və Luqansk və Donetsk respublikalarının yardım çağırışlarına cavab vermək məqsədi ilə həyata keçirildiyini açıqlayıb və Ukrayna torpaqlarını ələ keçirmək niyyətində olmadığını bildirib.
1 şərh
From some point on, I am preparing to build my site while browsing various sites. It is now somewhat completed. If you are interested, please come to play with casinocommunity !!