QafqazTimes xəbər verir ki, Palestine Today-in məlumatına görə, fələstinli məhbus Hişam Əbu Həvaş 141 günlük aclıq aksiyasından sonra sionist rejimi onu həbsdən azad etməyə məcbur edə bilib.
Bəzi mənbələr Əbu Həvaşın azadlığa buraxılması müqabilində Misirin aclıq aksiyasını dayandırmaq təklifi ilə razılaşdığını və onun gələn ayın 26-da azad ediləcəyini bildirib.
Fələstinli qruplar bu gün sionist rejimini fələstinli əsir Hişam Əbu Həvaşa hər hansı bir zərərin nəticələri barədə xəbərdarlıq ediblər.
Həmas hərəkatı da çərşənbə axşamı sionist rejimə Əbu Həvaşın həyatına zərər vurmaq barədə xəbərdarlıq edib.
HƏMAS-ın məhbuslar, yaralılar və şəhidlər idarəsinin rəhbəri Zahir Cabbarin bildirib ki, Hişam Əbu Həvaş şəhid olarsa İsrail bunun əvəzini ödəyəcəkdir.
O əlavə edib: “Əgər Əbu Həvaşa bir zərər toxunarsa, döyüş həbsxana divarlarından kənara çıxarılacaq.”