Qafqaztimes xəbər verir ki, Əl-Məyadin telekanalının məlumatına görə, Yəmən silahlı qüvvələri Amerikanın kəşfiyyat pilotsuz təyyarəsinin Məribdə vurulduğunu elan edib.
Yəmən Silahlı Qüvvələrinin məlumatına görə əməliyyatı zamanı Məribdə “Vadi Ubeydə” səmasında vurulan Amerikanın casus pilotsuz təyyarəsi “Scan Eagle” növündən olub.
Əl-Məsirə telekanalı həmçinin Yəmən Silahlı Qüvvələrinin sözçüsü briqada generalı Yəhya Səriyə istinadən yazıb: “Allaha şükürlər olsun ki, Yəmənin hava hücumundan müdafiə qüvvələri hava məkanında əməliyyat zamanı ABŞ istehsalı olan Səudiyyə casus PUA-nı vurmağa müvəffəq olub.”
Həmçinin ötən gün Yəmən Silahlı Qüvvələrinin sözçüsü Yəhya Səri Yəmən qüvvələrinin Səudiyyə ərəbistanının “Kral Xalid” hava bazasına raket zərbələri endirdiyini açıqlamışdı.