QafqazTimes xəbər verir ki, İbrani mediasının məlumatına görə sionist rejimin nümayəndə heyəti ilə Rusiya Ədliyyə Nazirliyinin komandası arasında Rusiya hakimiyyətinin Moskva Yəhudi Agentliyinin fəaliyyətini qadağan etmək qərarı ilə bağlı danışıqlar heç bir konkret nəticə vermədən sona çatıb.
“Yediot Aharanot” qəzetinin (Ynet) saytı tərəflərin danışıqların yeni raundunun tarixini dəqiqləşdirmədiyini və ya bu barədə razılığa gəlmədiyini yazıb. Görüş Rusiyanın agentliklə bağlı qərarı ilə əlaqədar texniki məsələlərin müzakirəsi üçün “obyektiv məkanda” keçirilib.
Ynet-in sözlərinə görə, İsrail hesab edir ki, “bu görüşün əhəmiyyəti onun keçirilməsindədir”. Lakin Moskvanın qərarının arxasında duran səbəbləri və bu istiqamətdə atılan addımları bilən Təl-Əviv gözləntilərin əksinə olaraq “rusların hara getdiyini” anlaya bilməyib.
Bu xəbərə görə, Rusiya Ədliyyə Nazirliyindən Rusiyanı qərar qəbuletmə səviyyəsində deyil, aşağı məsuliyyət səviyyəsində təmsil edən bir idarə rəisi bu iclasda iştirak edib. İsrail nümayəndə heyətinə isə Xarici İşlər Nazirliyinin hüquq müşavirinin müavini Tamar Kaplan, kabinetin hüquq məsləhətçiləri və müxtəlif nazirliklərdən nümayəndələr başçılıq ediblər.
Ynet İsrail nümayəndə heyətinin işğal altındakı Fələstinə qayıtmazdan əvvəl Rusiyadakı Yəhudi Agentliyinin vəkili ilə daha çox görüş keçirməyi planlaşdırdığını yazıb.
Eyni zamanda Rusiya Xarici İşlər Nazirliyinin məlumatına görə, Rusiya xarici işlər nazirinin müavini Mixail Buqdanov Moskvada İsrail danışıqlar qrupunun rəhbəri Kaplan ilə görüşüb və onunla Yəhudi Agentliyi məsələsini müzakirə edib. Tərəflər həmçinin ikitərəfli münasibətləri, Təl-Əviv və Moskva üçün əhəmiyyət kəsb edən beynəlxalq və regional məsələləri müzakirə ediblər.