“WhatsApp” messencerinin iOS üçün versiyasında yeni funksiya var.
Belə ki, istifadəçilərə media faylları göndərdikdən sonra foto və videoların təsvirini redaktə etmək imkanı yaranıb.
Portalın məlumatına görə, indi “iPhone” sahibləri foto və videoları göndərdikdən sonra 15 dəqiqə ərzində düzəliş edə biləcəklər.
Qeyd edək ki, əvvəllər bu imkan yox idi.
Bu funksiyanın hesabınızda aktiv olub-olmadığını yoxlamaq üçün sadəcə olaraq son imzalanmış multimedia mesajını basıb saxlamaq lazımdır.
Bu funksiya App Store-dan 23.16.72 yeniləməsini endirdikdən sonra əksər istifadəçilər üçün əlçatan olub. Bununla belə, ekspertlər aydınlaşdırıblar ki, fürsət yaxın həftələrdə bütün iOS cihaz sahibləri üçün açıq olacaq.
Yeniləmə bir sıra qrafik dəyişiklikləri də əhatə edir. Mütəxəssislərin fikrincə, “Android” əməliyyat sistemi əsasında işləyən smartfonlar üçün bu funksiyanın nə qədər tez ortaya çıxacağı barədə hələlik məlumat yoxdur.