QafqazTimes xəbər verir ki, ABŞ prezidenti Co Bayden bazar ertəsi (16 may) BƏƏ-yə yüksək səviyyəli nümayəndə heyəti göndərib.
ABŞ hökuməti BƏƏ hakiminin ölümü ilə bağlı başsağlığı vermək üçün BƏƏ-yə heyət göndərmək niyyətində olduğunu bildirib, lakin analitiklər bildirirlər ki, nümayəndə heyətinin səfəri Rusiyanın Ukraynaya müdaxiləsi və Qərb dövlətlərinin Rusiya nefti üçün alternativ tapmaq səyləri fonunda baş verib.
Körfəz ölkələri hələ də Ukrayna müharibəsinə münasibət bildirməyiblər. Digər tərəfdən, son günlər Səudiyyə Ərəbistanı və Birləşmiş Ərəb Əmirliklərinin Bayden hökumətinin neft hasilatını artırmaq tələbini rədd etdiyi barədə xəbərlər yayılıb.
Co Baydenin müavini Kamila Harris bazar ertəsi BƏƏ paytaxtına daxil olub. Onun BƏƏ-də təxminən üç saat qalması planlaşdırılır. Harris ABŞ Milli Təhlükəsizlik Şurasının demək olar ki, bütün yüksək vəzifəli üzvlərinin daxil olduğu bu nümayəndə heyətinə rəhbərlik edir.
Əl-Ərəbiyyənin məlumatına görə, xarici işlər və müdafiə nazirləri, Mərkəzi Kəşfiyyat İdarəsinin rəhbəri və Ağ Evin bəzi yüksək rütbəli məmurları ABŞ nümayəndə heyətinin tərkibindədirlər. Nümayəndə heyətinin tərkibi Vaşinqtonun BƏƏ-ni cəlb etmək niyyətindən xəbər verir.
Bundan əlavə ABŞ-ın Səudiyyə Ərəbistanı, BƏƏ və bəzi digər ölkələrdən neft əldə etmək cəhdləri məsələsi bəzi Konqres üzvlərinin də etirazına səbəb olub.