İnformasiya qaynaqları ABŞ-ın vasitəçiliyi ilə sionist rejimlə Türkiyə rəsmiləri arasında gizli danışıqlarından xəbər verirlər.
Qafqaztimesin xarici medialara istinadən verdiyi məlumata əsasən, Yeduot Aharanot qəzeti bu gün (7 aprel) yazıb: Türkiyə ilə İsrailin Suriyada mümkün qarşıdurma yaşama ehtimalı ilə Amerikanın vasitəçiliyi ilə gizli danışıqlar gedir.
Yediot Aharanut yazır: Türkiyəyə yaxın olan Middle East portalının verdiyi məlumata görə, ötən həftə İsrail ordusu hava hücumları zamanı Həma və Suriyanın T-4 hava bazası da daxil olmaqla hərbi obyektləri hədəfə alıb. İsrail bu hücumları məhz Türkiyə Suriyanı idarə edən müvəqqəti hökuməti İŞİD təhlükəsinə qarşı yenidən qurmaq və dəstəkləmək məqsədi ilə bazanı yoxlamaq və ilkin qiymətləndirmə aparmaq üçün texniki qrup göndərməyə hazırlaşarkən həyata keçirib.
Middle East Eye-dən Yedioth Aharonotun verdiyi xəbərə görə, bir mənbə deyib: ABŞ Türkiyə ilə İsrail arasında danışıqlara can atır və Suriyada son vasitəçi olaraq qalacaq. Vaşinqton İsrail və Türkiyənin gərginliyi azaltmasını istəyir.
Bununla bağlı ABŞ prezidenti Donald Tramp dünən axşam (bazar ertəsi axşam) Türkiyə ilə artan gərginliklə bağlı Netanyahu ilə görüşündə deyib ki, Türkiyə prezidenti Rəcəb Tayyib Ərdoğanla çox yaxşı münasibətim var, ondan xoşum gəlir və heç bir problemimiz yoxdur. O, Netanyahuya “Türkiyə ilə probleminiz varsa, həll edəcəyik” dediyini əlavə edib.