Bakıda bəzi sürücülər edilən xəbərdarllıqlara baxmayaraq dayanma-durma qaydalarını kobud şəkildə pozurlar.
Sürücülər cərimələnməmək üçün maraqlı üsula əl atıblar. Onlar dövlət qeydiyyat nişanlarını gizlədirlər.
Bu mənzərəyə şəhərin müxtəlif küçə və prospektlərində rast gəlinir. Taksi sürücüləri bunu parklanma yerinin olmaması ilə əlaqləndirirlər.
Bakı Şəhər Dövlət Yol Polis İdarəsinin baş inspektoru, polis mayoru Araz Əsgərli AZTV-yə bildirib ki, dövlət qeydiyyat nişanlarının görüntü dairəsini çətinləşdirən şəxslər üçün 500-800 AZN cərimə nəzərdə tutulur.
