İsrael Hayom qəzeti sionist rəsmilərə istinadən gələn həftənin Həmasla girov mübadiləsi zəminində taleyüklü bir həftə olacağından xəbər verib.
Əl Aləm telekanalının məlumatına əsasən, İsrael Hayom qəzeti bu gün (4 yanvar) yazıb: Gələn həftə girov mübadiləsinin müsbət nəticə vermə ehtimalı daha böyükdür.
Qeyd edək ki, yanvarın 2-də sionist KİV-ləri İsrail nümayəndələrinin Həmasla danışıqlar üçün Qətərə səfər etdiyindən xəbər vermişdi.
13-cü kanalın məlumatına görə Dohaya səfər edən rəsmilərin bu müzakirədə məqsədi girovların azadlığına fokuslanıb.
Yediut Aharanut qəzeti də Netanyahunun telefon vasitəsilə onlara bəzi ixtiyarlar verdiyini qeyd etmişdi.