Livan Hizbullahının baş katibinin müavini Şeyx Nəim Qasim bildirib ki, Hizbullahın strukturunda hər hansı bir vəzifədə komandan itkisi olarsa, həmişə ehtiyatda olan əvəzedicilər hazırdır.
O deyib: Biz ən qısa zamanda hərəkatın baş katibini seçəcəyik.
Qafqaztimes xəbər verir ki, Şeyx Nəim Qasim əlavə edib: Şəhid Seyid Həsən Nəsrullahın prioriteti Ərəb və İslam birliyi çərçivəsində müqəddəs Qüds-Şərif olub.
Şeyx Nəim Qasim deyib: Düşmənin iddia etdiyi kimi, Seyid Nəsrullahın şəhadəti zamanı 20 Hizbullah liderinin iştirakı ilə toplantı keçirilməyib. Şəhid Nəsrullahın şəhid olmuş yoldaşlarının sayı ilə bağlı düşmənin iddiaları yalandır.
Hizbullah baş katibinin müavini deyib: Düşmənin cinayətləri dağları silkələyə bilərdi, lakin biz sabitqədəmik və bu yolda davam edəcəyik. Biz meydandayıq və Seyid Nəsrullahın mövqelərindən geri çəkilməyəcəyik.
O əlavə etdi: Müqavimət əməliyyatları şəhid Nəsrullahın öldürülməsindən sonra artan tendensiya ilə davam edir. Fələstinin müdafiəsi üçün Qəzzanı dəstəkləməyə davam edəcəyik.
Döyüşün uzun sürəcəyini bilirik və hər ehtimala qarşı hazırıq. Bu döyüşdən qalib çıxacağıq.
Şeyx Nəim Qasim deyib: İsrail bizim hərbi gücümüzə zərər verə bilməz.
O qeyd edib: Biz hər cür ehtimala hazırıq və israillilər qurudan hücuma qərar verərsə, biz buna hazırıq. Müqavimət qüvvələri quru döyüşlərinə hazırdır.
Şeyx Nəim Qasim bəyan etdi: Bizim güc və imkanlarımız çoxdur və düşmən bizim imkanlarımıza çata bilmədiyi üçün dəli olub.
Alalam