HƏMAS müqavimət hərəkatının siyasi bürosunun rəhbəri Livan Hizbullahının baş katibinə mesaj göndərib.
Qafqaztimes xəbər veiri ki, HƏMAS-ın siyasi ofisinin rəhbəri Yəhya əl-Sinvar Hizbullahın baş katibi Seyid Həsən Nəsrullaha mesaj göndərib.
Əl-Sinvar bu mesajında şəhid İsmayıl Həniyyə və onun mübariz yoldaşının şəhadəti münasibəti ilə Livan Hizbullahının baş katibinin təbrik və başsağlığı məktubunu yüksək qiymətləndirib.
Bu məktubun davamında deyilir: Həqiqi və nəcib hisslərlə müşayiət olunan həmrəylik ifadənizə görə minnətdarıq. Bu həmrəylik ifadəsi sizin müqavimət cəbhələrinə dəstəyinizi və döyüşlərdə kənarımızda iştirakınızı ifadə edir.
HƏMAS hərəkatının siyasi bürosunun rəhbəri əlavə edib: “Komandirimiz Əbül Əbd, millətimizin ən şərəfli tarixi döyüşlərindən biri olan Əl-Əqsa fırtınası döyüşündə şəhid oldu.
Əl-Sinvar davam etdi: Komandirimizin şəhadəti sübut edir ki, komandirlərimizin və döyüşçülərimizin qanı soydaşlarımızın qanından daha dəyərli deyil. Bu saf qanlar və mübarək şəhid karvanları işğalçılara qarşı gücümüzə güc qatır.
HƏMAS hərəkatının siyasi bürosunun rəhbəri Həmas hərəkatının əvvəlki kimi şəhidlərin qanına sadiq qalacağını vurğulayıb.
Əl-Sinvar davam etdi: Komandir Həniyyənin çağırdığı yüksək prinsiplər daim qalacaq və bizim hərəkat və döyüşçülərimiz bu yol ilə gedəcəklər.
HƏMAS hərəkatının siyasi bürosunun rəhbəri əlavə edib: İlk növbədə olan əsaslar Fələstin xalqının cihad və müqavimət variantı ətrafında birləşməsidir.
Həmçinin ümmətin sionizm qarşısında vəhdəti əsas prinsiplərdəndir.
Əl-Sinvar vurğuladı: Biz işğalçılar qovulana və tam suverenliklə və paytaxtı Qüds olan müstəqil ölkəmiz qurulana qədər bu prinsiplər yolunda irəliləyəcəyik.
Alalam