Sürücü ilə yol polisi əməkdaşı arasında olan mübahisənin görüntülərini avtomobildə olan sərnişinlərdən biri qeydə alıb. Videogörüntünü həmin sürücünün oğlu paylaşıb. O, müraciətində bildirib ki, polis əməkdaşı onun yaşlı atasına əl-qol ataraq kobud davranış nümayiş etdirib. Sürücü yol polisi ilə mübahisə edir və mühərriki işə salaraq oradan uzaqlaşmağa çalışır. Bu zaman onların arasında mübahisə yaranır. Hadisənin paytaxtın Axundov parkının yanında qeydə alındığı bildirilir.
Dialoqdan da aydın olur ki, polis əməkdaşı sürücünü dayanmanın qadağan edildiyi yerdən uzaqlaşdırmaq istəyib, lakin o, yük yerini açaraq parkda oturmağa gedib.