QafqazTimes xəbər verir ki, ibrani mənbələri çərşənbə axşamı bildiriblər ki, işğal olunmuş ərazilərin sakinlərindən biri Kiprə turizm səfəri zamanı yoxa çıxıb.
Sionist rejimin 12-ci kanalının xəbərinə görə, Uriel Nofek adlı bu otuz üç yaşlı şəxs işğal olunmuş ərazilərdə informasiya texnologiyaları şirkətinin işçisi olub və indi onun taleyindən heç kimin xəbəri yoxdur.
Sionist rejimin 12-ci kanalı əlavə edib ki, gəmidə onun otağında məktub tapılsa da yaxınları deyir: “Nə təhlükəsizlik kameraları, nə də hadisə şahidlərinin onu gördüyünə dair heç bir sənəd olmadığı üçün onun suya atıldığına inanmaq çətindir. Otağına girdiyi andan heç kim onu görməyib.”
Bu xəbərə görə, işğal olunmuş ərazilərin bu sakini bu il mayın 15-də “Mano Shipping Company”yə məxsus turist gəmisi ilə Hayfadan Kiprin Limassol və Rodos istiqamətində yola düşüb.
Sionist polisin hesabatına əsasən, Nofek bazar günü gəmiyə minib və gəmi bazar ertəsi Limassolda lövbər salıb. Amma bütün sərnişinlər gəmidən düşən zaman Nofek onların yanında olmayıb.
Lakin onun yoxluğunu heç kim hiss etməyib və gəmi işğal olunmuş ərazilərə geri qayıdarkən Nofekin ailəsi polisə zəng edərək onunla əlaqə saxlaya bilmədiklərini bildiriblər.