İşğal olunmuş Qüds ətrafında yanğınlar davam etməklə bərabər həm də genişlənir.
Qafqaztimesin xarici medialara istinadən verdiyi məlumata əsasən, ən mühüm yeni qaynar nöqtə Şimali Qor bölgəsində sionistlərin “Əl-Həmra” qəsəbəsi yaxınlığında baş verən böyük yanğındır.
Mənbənin sözlərinə görə, yanğının xarakteri və küləyin istiqaməti yanğının qəsdən törədildiyi ehtimalı ilə bağlı mülahizələrə səbəb olub.
İsrail polisi vəziyyəti qiymətləndirdikdən sonra Qüds və ətraf ərazilərdən təxliyə üçün əməliyyat hazırlığının davam etdirilməsini tövsiyə edib.
Xatırladaq ki, İsrailin “Kanal 7” televiziyası bildirib ki, Milli Təhlükəsizlik Naziri və Polis Müvəkkili arasında vəziyyətin birgə qiymətləndirilməsindən sonra “yandırma hücumlarının qarşısının alınması” məqsədi ilə ölkənin hər yerində polis qüvvələrinin geniş miqyasda yerləşdirilməsi barədə qərar qəbul edilib.
İsrail mediası Hərbi Hava Qüvvələrinə istinadən, “Biz yanğınsöndürənlərdən səhər tezdən yanğınları söndürmələrini istədik, lakin yanğınsöndürmə briqadası bunu rədd etdi” deyib.