Mübarək Ramazan ayının sonuncu cüməsində İran xalqı İmam Xomeyninin (rəh) çağırışına cavab olaraq, Beynəlxalq Qüds Günü münasibəti ilə geniş yürüşlər keçirir.
Qafqaztimesin xarici medialara istinadən verdiyi məlumata əsasən, kiçikli-böyüklü, hər təbəqədən olan İran xalqının nümayəndələri bu gün (28 mart) küçələrə çıxaraq Fələstin xalqına və dünyanın bütün məzlum xalqlarına dəstəklərini ifadə ediblər.
Məlumata görə, Tehranda keçirilən nümayişdə İslami Şura Məclisinin sədri Fələstin məsələsi və sionist rejimin cinayətləri haqqında çıxış edib.
Həmçinin İran XİN başçısı Seyid Abbas İraqçi ilə birlikdə İranın digər yüksək rütbəli rəsmiləri xalqla birlikdə nümayişlərdə iştirak edib.
Qeyd edək ki, bu il Beynəlxalq Qüds Günü “Ey Qüds, biz əhdimizə sadiqik” şüarı altında sionist rejimin işğalçılıq siyasətlərinə etiraz sədaları altında keçirilir.