İran XİN sözçüsü İngiltərə, Fransa və Almaniya hakimiyyət orqanlarının Ukrayna müharibəsində müdaxilə bəhanəsilə rəsmi Tehran əleyhinə dərhal yeni tədbirlər görmək, o cümlədən İranla hava əlaqəsi sazişlərini dayandırmaq və “Iran Air”ə qarşı sanksiyaların tətbiqi barədə bəyanatını pisləyib.
İRNA-nın məlumatına əsasən, Nasir Kənani dünən gecə (10 sentyabr) deyib: Avropanın bu 3 ölkəsinin son bəyanatı İran xalqına qarşı iqtisadi terror və şəxsiqərəzlik mahiyyəti daşıyır və uyğun siyasətimizlə qarşılaşmaq məcburiyyətində qalacaqlar.
Nasir Kənani həmçinin İranın Ukrayma müharibəsində şəffaf mövqeyini vurğulayaraq deyib: Əvvəldə qeyd etdiyimiz kimi, İran Rusiya Federasiyasına ballistik raketlərin satılması barədə iddiaları tamamilə təkzib edir və onların əssasız olduğunu deyir.
XİN sözçüsü həmçinin vurğulayıb: Amerika ilə bərabər 3 Avropa ölkəsinin bu sanksiyaların tətbiqində əsas məqsədi sionist rejimi silahla təmin etməklə Fələstin xalqının Qəzzədə qətliamına şərik olmaqdır. Elə bu cəhətdən də onlar öz səhv siyasətlərinə cavabdehdirlər.