İran prezidenti İsrailin ölkə ərazisinə hərbi əməliyyatdan sonra Tehranın düşünülmüş cavab verəcəyini vəd edib.
İRNA-nın məlumatına əsasən, Məsud Pezeşkian bu gün (27 oktyabr) “X” sosial media hesabında yazıb: İranın düşmənləri xalqı qorxmadan öz torpaqlarını müdafiə etmək üçün ayağa qalxacağını, istənilən cavabı balanslı və düşünülmüş olacağını bilməlidir.
Qeyd edək ki, oktyabrın 26-na keçən gecə İsrail İranın hərbi obyektlərinə uğursuz əməliyyatlar keçirib. İran isə beynəlxalq ictimaiyyəti Yaxın Şərqdə müharibənin başlamasının qarşısını almaq üçün İsrailə qarşı tədbir görməyə çağırıb.