İran XİN başçısı region ölkələrinin Qəzzada soyqırımın dayandırılması, sionist rejimin Livan və Suriyaya təcavüzü, eləcə də ABŞ-ın Yəmənə hücumlarının dayandırılması üçün koordinasiyalı fəaliyyətlərinin davam etdirilməsinin vacibliyini vurğulayıb.
Qafqaztimesin xarici medialara istinadən verdiyi məlumata əsasən, Seyid Abbas Əraqçi bu gün (30 mart) misirli həmkarı ilə telefon danışığında Qəzza və regional hadisələr haqqında fikir mübadiləsi aparıblar.
Məlumata görə Misirin xarici işlər naziri Qəzzada atəşkəsin bərpası üçün ölkənin məsləhətləşmələrinin son vəziyyətlə bağlı təhlükəsizliyin artmasının qarşısını almaq üçün bölgədə diplomatik səylərin davam etdirilməsini vurğulayıb.
İran XİN başçısı son iki həftə ərzində regionun və regionun xaricindəki müxtəlif ölkələrlə apardığı diplomatik məsləhətləşmələrə toxunaraq, Qəzzada soyqırımın dayandırılması və sionist rejimin Livan və Suriyaya təcavüzünün davam etməsinin qarşısının alınması üçün region ölkələrinin koordinasiyalı fəaliyyətinin davam etdirilməsinin vacibliyini vurğulayıb.