İranın BMT-dəki daimi səfiri ABŞ prezidentinin ekstremist bəyanatlarını beynəlxalq hüququn pozulması kimi dəyərləndirərək İran əleyhinə istənilən hər hansı bir təcavüzkarlığın qətiyyətlə cavablandırılacağını vurğulayıb.
Qafqaztimesin xarici medialara istinadən verdiyi məlumata əsasən, Əmir Səid İrəvani yerli vaxtla dünən (31 mart) Təhülkəsizlik Şurasının müvəqqəti sədri Kristina Markos Lasen və BMT baş katibi Antonio Quttereşə rəsmi məktub ünvanlayaraq yazıb: ABŞ prezidenti Donald Trampın belə düşməncəsinə bəyanatları beynəlxalq hüquq, BMT Nizamnaməsinin əsas prinsiplərinin, xüsusən də hər hansı dövlətin ərazi bütövlüyünə, siyasi müstəqilliyinə qarşı güc tətbiq etmək hədəsini və ya istifadəni açıq şəkildə qadağan edən 2-ci maddəsinin 4-cü bəndinin kobud şəkildə pozulması deməkdir.
Əmir Səid İrəvani həmçinin ABŞ-ın düşmənçilik siyasətlərinə tam məsuliyyət daşıdığını qeyd edərək deyib: İran istənilən hərbi avantürizmə qarşı ciddi xəbərdarlıq edir və bəyan edir ki, Birləşmiş Ştatlar və ya onun müvəkkilinin (xüsusən) İsrail rejiminin öz milli maraqları, suverenliyi, ərazi bütövlüyünə qarşı istənilən təcavüzkar hərəkəti və ya hücumuna dərhal və qətiyyətlə cavab verəcək. Odur ki, hər hansı bir düşmənçilik aktının dəhşətli nəticələrinə görə tam məsuliyyət tamamilə Amerika Birləşmiş Ştatlarının üzərinə düşəcək.