Birləşmiş Millətlər Təşkilatının Baş Assambleyası səslərin böyük əksəriyyəti ilə Qəzzada dərhal atəşkəs tələb edən qeyri-məcburi 2 qətnaməni təsdiqləyib.
Təsnim İnformasiya Agentliyinin məlumatına əsasən, dünən axşam (11 dekabr) BMT Baş Assambleyası Qəzzada dərhal, qeyd-şərtsiz və daimi atəşkəs, eləcə də bütün “girov götürülənlərin” dərhal və qeyd-şərtsiz azad edilməsini tələb edən A/ES-10/L.33 qətnaməsini səs çoxluğu (158 səs) ilə qəbul edib.
Qətnamənin qəbulu üçün səslərin üçdə ikisi tələb olunurdu.
Qeyd edək ki, BMT Baş Assambleyasının qətnamələri, Təhlükəsizlik Şurasının sənədlərindən fərqli olaraq, məcburi hüquqi qüvvəyə malik deyil.
BMT Baş Assambleyasının Əlcəzair, Banqladeş, Qvineya, Misir, İndoneziya, İordaniya, Qətər, Küveyt, Livan, Malayziya, Səudiyyə Ərəbistanı və Fələstinin təşəbbüsü olduğu qətnaməsi Qəzzada atəşkəs tələbinə həsr olunub. Sənəd dərhal, qeyd-şərtsiz və daimi atəşkəsə, bütün girovların azad edilməsinə və humanitar yardıma maneəsiz çıxışın təmin olunmasına ehtiyacın mövcudluğunu bir daha təsdiqləyir. Qətnamədə həmçinin mülki şəxslərin müdafiəsi, beynəlxalq hüququn pozulmasına görə cavabdehlik, İsrail və Fələstinin iki dövlətli həllinin dəstəklənməsinə diqqət yetirilir.