QafqazTimes xəbər verir ki, media mənbələri bazar günü axşam saatlarında Türkiyədə yaşayan sionistlərin qorxusunun artdığı bir vaxtda müvəqqəti sionist rejimin xarici işlər nazirinin Türkiyəyə gözlənilən səfəri barədə məlumat yayıblar.
Aroutes Shoa internet saytının məlumatına görə, müvəqqəti rejimin xarici işlər naziri Yair Lapidə yaxın mənbələr onun Türkiyəyə səfəri ilə bağlı dəvətin İstanbulda yaşayan sionistlərə qarşı təhdid xəbərdarlığı ilə eyni vaxtda edildiyini təsdiqləyiblər. Onun türkiyəli həmkarı ilə cümə axşamı görüşünün planlaşdırıldığı bildirilir.
Məlumatlı mənbələr təhlükəsizliyin qorunması səbəbindən səfərlə bağlı əlavə məlumat verməyiblər.
Müvəqqəti sionist rejimin başçısı İshaq Hersoq da bazar günü Türkiyə prezidenti Rəcəb Tayyib Ərdoğanla telefon danışığı edib. Sionist rejimin başçısı bu telefon danışığında İranın Türkiyədəki İsrail vətəndaşlarına qarşı təhdidinin hələ bitmədiyini iddia edib.
O, deyib: “Türkiyəyə torpaqlarında terror aktının qarşısını almaq üçün göstərdiyi səylərə görə təşəkkür edirik.”
Hersoqun ofisindən verilən açıqlamaya görə, İsrail prezidenti daha sonra “terrorizm” adlandırdığı məsələ ilə mübarizədə iki tərəfin birgə səylərinin artırılmasını vurğulayıb.
İbranidilli media bir müddətdir ki, Türkiyədəki israilli turistlərin İran tərəfindən sui-qəsd riski ilə üzləşdiyini və bu səbəbdən dərhal ölkəni tərk etməli olduqlarını iddia edir.