QafqazTimes xəbər verir ki, Türkiyə-Ermənistan danışıqları 2009-cu ildə imzalanan və heç vaxt təsdiq olunmayan sülh sazişindən sonra münasibətləri bərpa etmək üçün ilk cəhddir. Tərəflər arasında 1915-ci ildə Osmanlı İmperiyasında 1,5 milyon erməninin qətlə yetirilməsi kimi məsələlərdə fikir ayrılığı vardır.
“Əl-Cəzirə”nin məlumatına görə, Ermənistan Xarici İşlər Nazirliyi bildirib ki, İrəvan yeni danışıqların diplomatik münasibətlərin qurulmasına və 1993-cü ildən bəri bağlı olan sərhədlərin açılmasına gətirib çıxaracağını gözləyir.
Sərhədlərin bağlanması nəticəsində Türkiyə ilə Ermənistan arasında birbaşa ticarət yolları yoxdur. Rəsmi Türkiyənin məlumatları göstərir ki, iki ölkə arasında dolayı ticarət 2013-cü ildən bəri bir qədər artıb, lakin bu dövriyyənin həcmi hələ də aşağıdır. 2021-ci ildə iki ölkə arasında ticarət həcmi cəmi 3,8 milyon dollar olub.
Ermənistan 1,5 milyon erməninin qətlini tənqid edərək bunu soyqırım hesab edir. Türkiyə isə bu münaqişədə ermənilərin öldürüldüyünü etiraf etsə də bu rəqəmlərin düzgün olmadığını bildirərək, bunun soyqırım olmasını təkzib edir.
2020-ci ildə Dağlıq Qarabağ münaqişəsindən sonra Türkiyə İrəvanla daha sıx əlaqələr qurmaq cəhdlərinə başladı. Ekspertlər Ankaranın bu addımını regionda daha böyük nüfuz qazanmaq cəhdləri ilə əlaqələndirirlər.