QafqazTimes xəbər verir ki, İsrail xəbər mənbələri, o cümlədən sionist rejimin 7-ci kanalı Təl-Əvivdə atışma barədə məlumat yayıb. Atışma şəhərin bir neçə bölgəsində baş verib.
Təl-Əvivin mərkəzində baş verən atışma nəticəsində bir neçə nəfər yaralanıb.
Fələstinin Şahab xəbər agentliyinin verdiyi məlumata görə, əməliyyat Təl-Əvivin ən böyük prospektlərindən biri olan Deznqov prospektində baş verib. Şahab-ın sözlərinə görə, atışma zamanı ən azı 5 sionist yaralanıb.
Əl-Məyadin telekanalı isə anti-sionist əməliyyatında ən azı altı sionistin yaralandığını xəbər verib.
Fələstinin Səma xəbər agentliyi isə atışma zamanı altı sionistin yaralandığını və onlardan ikisinin vəziyyətinin ağır olduğunu bildirib. Sionist rejim polisi əhalidən əməliyyat yerinə toplaşmamağı xahiş edib.
Əl-Cəzirə isə yaralıların sayının 9 olduğunu bildirib. Əl-Məyadin həmçinin yaralılar arasında iki sionistin də öldürüldüyünü xəbər verib.