QafqazTimes xəbər verir ki, Rusiya prezidenti Vladimir Putin Böyük Britaniyanın baş naziri Boris Consonun G7 və NATO sammitləri çərçivəsində ritorika və zarafatlarına cavab verib.
“Reuters”in məlumatına görə, Consonun “Putin qadın olsaydı, heç vaxt Ukraynaya təcavüz etməzdi” iddiasına cavab olaraq Britaniyanın Marqaret Tetçer dövründə Argentinanın Folklend adalarını işğal etməsini xatırladıb.
Rusiya prezidenti əlavə edib: “Beləliklə, Böyük Britaniya baş nazirinin bu gün baş verənlərə istinadları o qədər də dəqiq deyil. Folklend adaları harada yerləşir və İngiltərə dünyanın harasındadır? Tetçerin hərəkətləri imperialist ambisiyadan doğurdu və bu, imperialist mövqeyini möhkəmlətmək istəyindən başqa bir şey deyildi.”
Conson isə Bavariya dağlarında keçirilən G7 sammitində Putinin Rusiya dağlarında köynəksiz halda at sürərkən çəkilmiş fotosunu ələ salıb.
Conson G7 liderlərinə deyib ki, onlar da Putindən daha qətiyyətli olduqlarını göstərmək üçün Bavariya dağlarında köynəklərini çıxara bilərlər.
Cümə axşamı Consonun ritorikasına reaksiya verən Putin deyib ki, Qərb liderləri ondan fərqli olaraq idmançı deyillər və əksinə bunun əvəzinə həddindən artıq spirtli içki qəbul edirlər.
Rusiya prezidenti həmçinin qeyd edib ki, Qərb liderlərinin köynəklərini çıxarması “ürək bulandırıcı” səhnələrə səbəb olacaqdır.