QafqazTimes xəbər verir ki, sionist rejimin müharibə naziri Benni Qantz ötən gün (29 noyabr çərşənbə axşamı) “Qüds Qılıncı” əməliyyatında Həmas hərəkatının uğurlarını bir daha etiraf edib.
Sionist rejimin müharibə naziri sionist rejim televiziyasının 13-cü kanalına müsahibəsində deyib: “Həmas bir il yarım əvvəl Qüdsə doğru raket atmaqla İsraili “Qüds Qılıncı” əməliyyatına doğru sürüklədi və bunu praktiki olaraq bir nailiyyət kimi qeyd etdi və Fələstinin cəbhələrini birləşdirməyi bacardı.”
O, əlavə edib: “Bundan da pisi o idi ki, gərginliyi şəhərlərin daxilinə çəkməyi bacardı. 2021-ci ilin may hadisələri İsrailin yaddaşında biri yaradır.”
Qantz çıxışının başqa bir hissəsində Fələstin muxtariyyətinin rəhbəri ilə münasibətləri haqqında deyib: “Əbu Mazen mənim dostum deyil və olmayacaq. Biz yalnız təhlükəsizlik koordinasiyasını gücləndirmək üçün bir-birimizlə danışırıq.”
Qeyd edək ki, “Qüds Qılıncı” döyüşü 2021-ci ilin may ayında sionistlərin Fələstinin müqəddəs məkanlarına və Qüdsə qarşı təcavüzünə cavab olaraq baş verdi və 11 gün davam etdi. Sionistlərin hücumlarına cavab olaraq Fələstin müqaviməti işğal olunmuş Fələstinə 4000-dən çox raket atdı.